आणि तू सारखं म्हणतेस कि, "तुझं माझ्यावर प्रेम नाही.... "

हृदयाची  तर माझ्या धड-धड तूच आहेस,

श्वास तर माझा प्रत्येक तूच आहेस,

तुझ्या शिवाय तर प्राणही माझा, माझा नाही…

आणि तू सारखं म्हणतेस कि, "तुझं माझ्यावर प्रेम नाही.... "

दिवस-रात्र मनाला फक्त तुझाच ध्यास आहे,

तू असशील तर, मी माझ्यासाठीच खास आहे,

तुझ्या शिवाय एकही स्वप्न, स्वप्न नाही....

आणि तू सारखं म्हणतेस कि, "तुझं माझ्यावर प्रेम नाही ...."

तू नसशील तर मला भान नाही जगाचे,

तू नसशील तर मला नाही जगायचे,

तुझ्या विचारांहून वेगळा विचार करायला मला वेळ नाही....

आणि तू सारखं म्हणतेस कि, "तुझं माझ्यावर प्रेम नाही... "

बोलून दाखवले तरच ते प्रेम असते, हे मला माहित नाही,

आणि तसे सांगणं मला जमेल, याची मला खात्री नाही,

पण एक नक्की सांगतो, तुजविण जगणे माझ्यासाठी जगणे नाही....

आणि तू सारखं म्हणतेस कि, "तुझं माझ्यावर प्रेम नाही... "

कसं सांगू तुला, तुझ्या प्रेमात मी पुरता गुरफटलोय,

कसं सांगू तुला कि, ते सांगण्याची हिम्मतही मी हरवलोय,

पण माझं दुर्दैव कि, न सांगता माझे प्रेम तुला कळत नाही....

आणि तू सारखं म्हणतेस कि, "तुझं माझ्यावर प्रेम नाही... "