या एका पावसात....

ती कित्येक वर्षांनी भेटलीय मला या अशा दिवसात,

अन भावनांचा बांध फुटला माझा… या एका पावसात....

लहानपणी हातात हात घेऊन खेळलो आम्ही त्या मागच्या अंगणात,
पण नशिबान वेगलो झालो…. अशाच एका पावसात....

तिच्यासाठी धडपडलो मी कित्येक अशा वर्षावात,
भेटेल मला परत ती, हीच एक भाबडी आशा,… त्या हर-एक पावसात....

आज समोर उभी आहे ती, अन शब्द फुटत नाहीत ओठात,
न बोलताही मन भिडली… या एका पावसात....

भिजलेले केस तिचे ज्वालाग्नी पेटवताहेत माझ्या मनात,
थर-थरते अंग तिचे कंप करतेय मला… या एका पावसात...

ती जवळ आहे माझ्या इतकी, कि विरघळलीय ती माझ्यात,
अन माझे अश्रू विरघळताना दिसताहेत मला....या एका पावसात....

- प्रसाद कुलकर्णी